ረቡዕ ነሃሴ 30/2010 ዓ.ም ( ኣባይ ኤፍ ኤም )
ለቀናት የስራ ማቆም አድማ ላይ የቆዩት የዓየር ትራፊክ ተቆጣጣሪ ሰራተኞች ዛሬ ሙሉ በሙሉ ወደ ስራ ገቡ።
የኢትዮጵያ ሲቪል አቭዬሽን ባለስልጣን ዳይሬክተር ጀነራል ኮሎኔል ወሰንየለህ ሁነኛው እንዳረጋገጡት ሰራተኞቹ ወደ ስራ ተመልሰዋል።
ከመንግስት በተሰጠ አቅጣጫም በደመወዛቸው ላይ ማስተካከያ ለማድረግ ጥናት ይካሄዳል ብለዋል። የሌሎች ሰራተኞችን ፊርማ አስመስሎ በመፈረምና ሌሎች ስራ እንዲያቆሙ በማነሳሳት ወንጀል የተጠረጠሩ ዘጠኝ የሲቪል አቭዬሽን እና የዓየር ትራፊክ ሰራተኞች በቁጥጥር ስር መዋላቸው ይታወሳል።
ተጠርጣሪዎቹም በትናንት እለት በፌደራል የመጀመሪያ ደረጃ ፍርድ ቤት አራዳ ምድብ 1ኛ ወንጀል ችሎት የቀረቡ ሲሆን፥ ፍርድ ቤቱም ለመርማሪ ፖሊስ የስምንት ቀናት ተጨማሪ የምርመራ ጊዜ ፈቅዷል።
ምንጭ፡ – ኤፍ. ቢ .ሲ

Leave a Reply

Your email address will not be published. Required fields are marked *